Bakı Dövlət Universitetinin (BDU) Karyera və məzunlarla iş Mərkəzinin və Dövlət Məşğulluq Agentliyinin (DMA) Şərqi Zəngəzur Regional məşğulluq filialının birgə təşkilatçılığı ilə xalqımızın tarixi Zəfərinin 5 illiyinə həsr olunmuş “Peşəkar gələcəyə doğru körpü”- ixtisaslaşmış Karyera sərgisi çərçivəsində tələbələrin şəxsi və peşəkar inkişafına yönəlmiş “Əmək bazarının tələbləri” mövzusunda təlim keçirilib.

Dövlət Məşğulluq Agentliyinin böyük mütəxəssisi Arzu Xəlilova tərəfindən keçirilən təlimin əsas məqsədi tələbə və məzunlara əmək bazarının dinamikası, işəgötürənlərin gözləntiləri, yeni peşə trendləri və karyera planlaşdırmasına dair aktual istiqamətləri təqdim etmək olub.

Təlimçi tərəfindən iştirakçılara iş dünyasının yeni çağırışlarına uyğunlaşma strategiyaları, əmək bazarında rəqabət üstünlüyü qazanmaq üçün şəxsi brendin formalaşdırılması, effektiv CV və motivasiya məktubu yazılması barədə də tövsiyələr verilib.

Tədbirin sonunda tələbələrin sualları cavablandırılıb.

Tehsil-press.az