Dövlətimizin başçısının ölkəmizdə apardığı əsas siyasət ali təhsil müəssisələrində təkcə mütəxəssislərin hazırlanmasına deyil, həmçinin kiçik və orta sahibkarlığa dəstək göstərilməsi istiqamətində addımların atılmasıdır.
Bunu iyunun 6-da Azərbaycan Dövlət Neft və Sənaye Universitetində “IXUN” Lazer Mərkəzinin təqdimatı ilə bağlı keçirilən tədbirdə rektor, professor Mustafa Babanlı jurnalistlərə müsahibəsində söyləyib.
ADNSU-da son yeniliklərdən və gələcək planlardan söz açan M.Babanlı deyib: “İnnovativ istehsalın universitetimizə gətirilməsində maraqlıyıq. Bu istiqamətdə həm texnologiyaların transferi, həm də startap müəssisələrinin yaradılmasında müəyyən addımlar atmışıq. Cari ilin sonunadək ADNSU-da “Made in Azerbaijan” brendi adı altında üç və ya dörd məhsulun istehsalına başlanılacaq. Həmçinin bu məhsulların xarici bazarlara ixracatı həyata keçiriləcək”.

Hüseyn Şərifov