Azərbaycan Dillər Universitetinin (ADU) Təhsil-1 fakültəsinin ikinci kurs tələbəsi Xəyal Məhərrəmli “Erasmus+” proqramı çərçivəsində Macarıstanın paytaxtı Budapeştdə keçirilən “Stop Think Act” adlı layihədə iştirak edib.
Layihənin əsas məqsədi yol hərəkəti təhlükəsizliyinin əhəmiyyətini izah etmək, yol hərəkəti təhlükəsizliyinə riayət etmək üçün tədbirlər və fəaliyyət planı hazırlamaqdan ibarət olub.
Müxtəlif ölkələrdən layihəyə qatılan gənclərlə birgə komandada çalışmaq, əyləncəli oyunlar təşkil etmək, müxtəlif mövzularda fikir mübadiləsi aparmaq iştirakçıların ünsiyyət bacarığının artmasına və yeni sosial mühit qazanmasına şərait yaradıb.
Layihə çərçivəsində fərqli ölkələrin mədəniyyət gecələri də təşkil edilib.

Tehsil-press.az