Çin Dövlət Miqrasiya İdarəsi iyunun 25-dən bu yana polislə birgə fəaliyyət nəticəsində qaçaqmalçılıq və digər sərhəd cinayətlərində şübhəli bilinən 1500-ə yaxın insanın saxlanıldığını bildirib.
Sərhəd rejiminin gücləndirilməsi məqsədilə həyata keçirilən “Yüzgünlük əməliyyat” başlayandan bəri cinayət törətməkdə şübhəli bilinən 1461 nəfər həbs olunub. İyunun 25-dən iyulun 6-dək Çinin miqrasiya orqanları 735 cinayət işinin üstünü açıb və 21 cinayətkar dəstəni zərərsizləşdirib. Həbs edilənlər arasında qaçaqmalçılıqla məşğul olan cinayətkar qruplaşmanın rəhbərləri də var.
Məlumatda qeyd olunur ki, vahid plana uyğun olaraq həyata keçirilən əməliyyat zamanı buraxılış məntəqələrində sərhəd nəzarəti xeyli gücləndirilib.

Tehsil-press.az