Neftin qiyməti şənbə günü Vyanada OPEK-ə üzv və qeyri-üzv neft hasilatçısı ölkələrinin görüşü öncəsi artmaqda davam edir.

Londonun "ICE Futures" birjasında keçirilən hərrac zamanı "Brent" markalı neftin fevral fyuçersləri 0,56% artaraq bir barelə görə 54,2 dollara çatıb.
Nyu-Yorkun NYMEX əmtəə birjasında "WTI" markalı neftin yanvar fyuçersləri 1,28% artaraq bir barel üçün 51,49 dollar təşkil edib.
"Westbeck Capital Management" analitiklərinin rəyinə görə, OPEK-in hasilatın məhdudlaşdırılması barədə razılaşması sayəsində 2017-ci ildə neftin qiyməti bir barelə görə arada 70 dolları ötməklə 55-65 dollar arası dəyişəcək.
Şənbə günü keçiriləcək Vyana görüşündə dəvət olunan 14 ölkədən Azərbaycan da daxil olmaqla 9 dövlət, o cümlədən Rusiya, Qazaxıstan, Meksika və Oman iştirak edəcəyini təsdiqləyib.

Tehsil-press.az