ABŞ prezidenti Donald Trampın qızı İvanka Trampın Hindistana edəcəyi səfər öncəsi Heydərabad şəhərində dilənçilərə qarşı reyd keçirilir.
Polislər küçələrdəki 400-ə yaxın dilənçini yığaraq Çançalquda həbsxanasındakı reabilitasiya mərkəzinə aparıb.
Reydin davam etdirilcəyi və 6 minə yaxın dilənçinin toplanacağı açıqlanıb.
Şəhər rəhbərliyinin dilənçilərin qonaqlara mənfi təsir etməməsi üçün bu addımı atdığı bildirilib. Bundan başqa, gələn ilin yanvarın ilk həftəsinə qədər dilənmək qadağan edilib.
Hindistanlı rəsmilər İvanka Trampa ölkənin yaxşı tərəflərini göstərmək istədiklərini açıqlayıblar.
Qeyd edək ki, səfər 28 noyabrda başlayacaq və 3 gün davam edəcək.

Tehsil-press.az