Sumqayıt Regional Mədəniyyət İdarəsinin dəstəyi, Sumqayıt Dövlət Rəsm Qalereyasının təşkilatçılığı ilə Azərbaycan Xalq Cümhuriyyətinin 100 illiyi münasibətilə Sumqayıtda “Canlanır hər qarış çöl Sumqayıtda" adlı plener (açıq səma altında etüd) baş tutub
Plenerin keçirilməsində məqsəd Sumqayıtda son illər görülən tikinti, abadlıq, quruculuq işlərini, gənc rəssamlar tərəfindən rəsm əsərlərində əks etdirmək, şəhərimizi təbliğ etməkdir.
Sumqayıt şəhər Nəsimi adına Mədəniyyət və istirahət parkı, Bayraq Meydanı, Sumqayıt Dövlət Dram Teatrı, Heydər Əliyev Mərkəzi, Sumqayıt şəhər Bulvarını və s. əhatə edən plenerdə Sumqayıt şəhər Bülbül, S.Rüstəmov və Ə.Bakıxanov adına uşaq incəsənət məktəblərinin şagirdləri öz istedad və bacarıqlarını nümayiş etdiriblər.
Qeyd edək ki, plenerdə çəkilən əsərlər Azərbaycan Xalq Cümhuriyyətinin 100 illiyi münasibətilə Sumqayıt Dövlət Rəsm Qalereyasında keçiriləcək Art festivalda nümayiş olunacaq.
Qaliblər müxtəlif nominasiyalar üzrə mükafatlandırılacaq.

Sumqayıt Regional Mədəniyyət İdarəsinin
Mətbuat xidməti