Lənkəranda 5 oktyabr – Beynəlxalq Müəllimlər Günü qeyd olunub. "Qafqazinfo"ya daxil olan məlumata görə, bayram tədbirini açan Lənkəran şəhər Təhsil şöbəsinin müdiri Şəhanə Əhmədova bütün müəllimləri bayram münasibəti ilə təbrik edib.
Lənkəran Şəhər İcra Hakimiyyətinin başçısı Taleh Qaraşov müəllimləri təbrik edib. Bildirib ki, prezidentin sərəncamları respublikamızın bütün bölgələrində təhsilin maddi-texniki bazasının gücləndirilir. 
İcra başçısı rayonun ictimai-siyasi həyatında müəllimlərin rolunu yüksək qiymətləndirərək təhsil müəssisələrində təlim-tərbiyə prosesinin keyfiyyətinin ilbəil yaxşılaşdığını söyləyib, növbəti illərdə bu uğurların daha da artırılmasını tövsiyə edib.
T.Qaraşov sonda gənc nəslin təlim-tərbiyəsi sahəsində səmərəli fəaliyyətinə görə fərqlənən bir qrup təhsil işçisinə ŞİH-nin və ŞTŞ-nin fəxri fərmanlarını və qiymətli hədiyyələrini təqdim edib.

Tehsil-press.az