Azərbaycan-Kolumbiya şeiri antologiyası Kolumbiyada təqdim olundu

Azərbaycan-Kolumbiya şeiri antologiyası Kolumbiyada təqdim olundu Kolumbiya və Azərbaycan xarici işlər nazirlərinin Boqotada baş tutan görüşü zamanı Kolumbiya Respublikasının xarici işlər naziri xanım Mariya Anxela Olgin ARNK yanında Tərcümə Mərkəzinin və Kolumbiyanın Azərbaycandakı səfirliyinin birgə ərsəyə gətirdiyi “İyirmi şeir” (Azərbaycan-Kolumbiya şeiri antologiyası) kitabını cənab Elmar Məmmədyarova təqdim edib:
Mariya Anxela Olgin: “Belə bir toplunun işıq üzü görməsi Kolumbiya ilə Azərbaycan arasında münasibətlərə böyük töhfə verəcək. Məhz ədəbiyyat sahəsində irəli sürülən bu sayaq təşəbbüslər ölkələrimiz arasında anlaşmanın və dostluğun möhkəmlənməsində əsaslı rol oynayacaq. Kitabda Kolumbiya ədəbiyyatı nümunələri dahi Azərbaycan şairləri Nizami Gəncəvi və İmadəddin Nəsiminin, həmçinin müasir Azərbaycan poeziyasının digər qələm sahiblərinin şeirləri ilə yanaşı təqdim olunur. Kitabın təqdimatı 13 iyun tarixində Bakıda baş tutacaq”.
Daha sonra cənab Elmar Məmmədyarov “İyirmi şeir” kitabı ilə bağlı fikirlərini bölüşüb: “Ərsəyə gəlmiş bu kitab Azərbaycan-Kolumbiya əlaqələrinin yüksələn xətt üzrə inkişafı üçün gözəl nümunə olacaq. Antologiya bizim düzgün istiqamətdə addımladığımızı göstərən vacib elementdir”.
https://www.youtube.com/watch?v=OVGvD_OOFVM

Tərcümə Mərkəzi

Oxşar xəbərlər