Fransalı bəstəkar Pyer Tiloy “Xocalı 613” əsərinin ərsəyə gəlməsi barədə danışıb.
P.Tiloy artıq 20 ildir Azərbaycana gəldiyini bildirib: “Azərbaycanda məcburi köçkünlərin olduğunu biləndə araşdırmağa başladım, sənədli filmlərə baxdım və bir çox məlumatlar əldə etdim. Müharibə haqqında öyrənəndə gördüm ki, Xocalı haqqında heç nə bilmirəm. 1992-ci ildə mənim 22 yaşım var idi, beynəlxalq siyasətlə maraqlanırdım, amma Xocalı haqqında heç nə bilmirdim. Görəndə ki, mən beynəlxalq siyasətlə maraqlanan bir adam kimi bu barədə heç nə bilmirəm, qərara gəldim ki, Xocalı haqqında yazım və ona görə də əsər “Xocalı 613” adlanır”.
Fransalı bəstəkar bildirib ki, bir musiqiçi kimi Xocalı haqqında danışır və bu barədə insanlara məlumat çatdırır. P.Tiloy “Xocalı 613” əsərinin bir neçə versiyada olduğunu, o cümlədən, klarnet, balaban və orkestr vasitəsilə hazırlandığını diqqətə çatdırıb.

Tehsil-press.az