Azərbaycan-Fransız Universitetində (UFAZ) növbəti rəhbər komitənin iclası ərəfəsində Elm və Təhsil Nazirliyi, Strasburq Universiteti, Azərbaycan Dövlət Neft və Sənaye Universiteti (ADNSU) və UFAZ rəhbərliyinin iştirakı ilə görüş keçirilib.
Görüşdə elm və təhsil nazirinin müavini Həsən Həsənli, nazirliyin Aparat rəhbərinin müavini Yaqub Piriyev, Strasburq Universitetinin vitse-prezidenti Jan Mark Planeks, ADNSU-nun rektoru Mustafa Babanlı, UFAZ-ın icraçı direktoru Vazeh Əskərov və baş katibi Elizaveta Bıdanova iştirak ediblər.
Tərəflər UFAZ-ın inkişafı ilə bağlı gündəlikdə olan məsələləri müzakirə ediblər.
Görüşdən sonra Həsən Həsənli və Yaqub Piriyev UFAZ-ın elmi-tədqiqat laboratoriyaları ilə də tanış olublar.

Tehsil-press.az