Koreya Respublikası ilk dəfə NATO-nun noyabrın 27-dən dekabrın 1-dək Estoniyada keçiriləcək kiber koalisiya təlimində iştirak edəcək.
Kiber koalisiya 2008-ci ildən bəri hər il keçirilir və "kiber domendəki ən böyük müdafiə təlimi" hesab olunur. Bu il NATO üzvləri və alyans tərəfdaşları da daxil olmaqla, 35 ölkə bu təlimə qatılacaq. Keçən il Koreya Respublikası kiber koalisiyada müşahidəçi qismində iştirak etmişdir.
Cənubi Koreyanın kiber əməliyyatlar komandanlığı bildirib ki, təlimlər NATO ilə bu sahədə əməkdaşlığı gücləndirəcək və “kiberməkanda müharibə” aparmaq üçün potensialı artırmağa imkan verəcək.

Tehsil-press.az