Bakı Dövlət Universitetinin nəzdindəki Konfutsi İnstitutunda Çin yeni ilinə həsr olunmuş "Bahar bayramı" adlı çin şeir müsabiqəsi keçirilib. Tədbiri Konfutsi İnstitutunun Azərbaycan və Çin tərəfindən direktorları dosent Oqtay Cəlilbəyli və Lo Seodci açaraq Azərbaycanda bu sahədə ilk dəfə keçirilən müsabiqənin əhəmiyyətindən bəhs edib, Çin dili və mədəniyyətinə daha böyuk maraq yaradacağını qeyd ediblər. 10 məktəbli və 17 tələbənin qatıldığı müsabiqənin sonunda qaliblər müəyyən olunub. Məktəblilərdən Almaz Əliyeva (145 saylı məktəb), tələbələrdən isə Azərbaycan Respublikası Prezidenti yanında Dövlət İdarəçilik Akademiyasındakı BDU-nun Konfitsi İnstitutu filialının tələbələri Müşərrəf Mahmudova və Nərmın Abbaslı qalib olublar. Qaliblər sertifikat və mükafatla təltif olunublar.

Mətbuat və informasiya şöbəsi