UNEC-də Aprel şəhidlərinə həsr olunan kitab təqdim edilib

UNEC-də Aprel şəhidlərinə həsr olunan kitab təqdim edilib UNEC-də “Qəhrəmanlarımız qan yaddaşımızdır” kitabının təqdimatı olub.
Gənclər və İdman Nazirliyinin maliyyə dəstəyi ilə “Türkiyə Universitetləri Məzunları” İctimai Birliyinin (TUMİB) hazırladığı kitab Aprel şəhidlərinin əziz xatirəsinə həsr edilib.
UNEC-in Tələbələrlə iş üzrə prorektoru, dosent Səadət Qəndilova Aprel döyüşlərinin Azərbaycan Silahlı Qüvvələrinin gücünü, əsgər və zabitlərin döyüş bacarığını, ordunun peşəkarlığını nümayiş etdirdiyini diqqətə çatdırıb. Aprel döyüşlərində UNEC-in iki məzunu Tural Dadaşovla Mahir Mirzəyevin qəhrəmanlıqla şəhid olduğunu bildirən prorektor “Qəhrəmanlarımız qan yaddaşımızdır” kimi nəşrlərin gənc nəslin vətənpərvərlik ruhunda böyüməsində mühüm əhəmiyyət kəsb etdiyini bildirib.
Müdafiə Nazirliyinin şöbə rəisi, polkovnik Rauf Dəmirov Aprel döyüşlərinin uğurlu nəticələrindən danışıb, bu döyüşlərin tarixi əhəmiyyətini diqqətə çatdırıb. Qeyd olunub ki, Aprel döyüşləri Azərbaycan ordusunun qüdrətini göstərən qəhrəmanlıq tarixidir. R.Dəmirov işğal altında olan Azərbaycan torpaqlarının Prezident İlham Əliyevin məqsədyönlü siyasəti nəticəsində tezliklə azad ediləcəyinə əminliyini vurğulayıb.
TUMİB-in sədri Çingiz Bayramov Azərbaycan ordusunun parlaq tarixi qələbələrindən olan şanlı Aprel döyüşlərindən bəhs edərək, təqdim edilən kitabın Aprel döyüşlərində qəhrəmancasına şəhidlik zirvəsinə ucalan vətən övladları haqqında ilk ensiklopedik nəşr olduğunu qeyd edib. Gənclər və İdman Nazirliyinin Gənclərlə iş şöbəsinin Vətənpərvərlik və vətəndaşlıq tərbiyəsi sektorunun müdiri Əli Məmmədov Aprel döyüşlərində ordumuzun göstərdiyi şücaətlərdən bəhs edib, gəncləri qəhrəmanlığa, vətənpərvərliyə çağırıb. Azərbaycan Gənc Alim, Aspirant və Magistrlar Cəmiyyətinin sədri, fəlsəfə doktoru İlqar Orucov Aprel döyüşləri xalqımızın hərb tarixinin parlaq səhifələrindən biridir, deyə bildirib.
UNEC-in məzunları – Aprel şəhidləri Tural Dadaşovun anası Kəmalə Dadaşova, Mahir Mirzəyevin atası Sabir Mirzəyev övladları haqda xatirələrini bölüşüblər. Aprel döyüşlərində şəhidlik zirvəsinə ucalan övladlarının adının daima əziz tutulduğunu diqqətə çatdıran valideynlər dövlətin şəhid ailələrinə olan qayğısından söz açıblar.

UNEC-in Mətbuat Xidməti


UNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilibUNEC-də Aprel şəhidlərinə həsr olunan kitab təqdim edilib

Oxşar xəbərlər