Venesuelanın Baş Nəzarət İdarəsi Milli Məclisin spikeri və müxalifət lideri Xuan Quaydonun əmlakının yoxlanışına başlayıb.
Bu barədə müşahidə idarəsinin rəhbəri Elvis Amoroso bildirib:
“Venesuela Bolivar Respublikasının baş nəzarətçisi Xuan Quaydonun mülkünün yoxlanılması prosedurunun başladılması haqda göstəriş verib”. Onun sözlərinə görə, göstərişə Quaydonun özünün real əmlakı, eləcə də xarici strukturlardan qanunsuz yollarla pul alması barədə məlumatı gizlətməsi şübhəsi səbəb olub. Quaydo özü isə məsələ ilə bağlı fikir bildirməyib.
Qeyd edək ki, Quaydo yanvarın 23-də özünü Venesuelanın müvəqqəti prezidenti elan edib.

Tehsil-press.az