Xəzər Universitetində tədris ilinin yekunlarına və qarşıda duran vəzifələrə həsr olunmuş geniş müşavirə keçirilib.
Bu ali məktəbin təsisçisi, Direktorlar və Qəyyumlar Şurasının sədri, professor Hamlet İsaxanlı tədris ilinin yekunlarından, qarşıda duran vəzifələrdən danışıb. O, xarici ölkələrdən tələbələrin cəlb olunması işinin fəallaşdırılmasının, orta məktəb şagirdləri ilə universitetin əlaqələrinin möhkəmləndirilməsinin, Məzunlar Assosiasiyasının, Xəzər Universitetinin Dostları Fondunun təşkilinin başa çatdırılmasının zəruriliyini vurğulayıb.
Universitetin rektoru, dosent İradə Xəlilova, tədris işləri üzrə prorektor, professor Məhəmməd Nuriyev gələcək planlardan bəhs ediblər.
Müşavirədə qarşıda duran vəzifələrin həyata keçirilməsi üçün qərarlar qəbul olunub.

Mətbuat Xidməti