Ermənistan tərəfinin təşəbbüsü ilə Vladimir Putinin Ermənistanın Baş naziri Nikol Paşinyan ilə telefon danışığı olub.
Bu barədə Rusiya prezidentinin mətbuat xidmətinin yaydığı məlumatda deyilir.
"Rusiya, Azərbaycan və Ermənistan liderlərinin 2020-2022-ci illər üzrə məlum razılaşmalarının, o cümlədən Ermənistan - Azərbaycan sərhədində sabitliyin və təhlükəsizliyin təmin edilməsi, regionda iqtisadi və nəqliyyat əlaqələrinin bərpası və Ermənistanla Azərbaycan arasında sülh müqaviləsinin hazırlanması üzrə addımların həyata keçirilməsinin praktiki aspektləri nəzərdən keçirilir", - deyə məlumatda bildirilir.
"Qarabağ ətrafındakı mövcud vəziyyətin müzakirəsi zamanı Vladimir Putin ortaya çıxan bütün məsələlərin konstruktiv şəkildə, tərəflərin Rusiya sülhməramlıları ilə sıx təmasda və qarşılıqlı əlaqədə həll edilməsinin vacibliyini vurğuladı", - deyə Kremldən bildirilib.

Tehsil-press.az